„Марка“ го истакна Пандев како една од фигурите што го одбележаa Европското првенство

Влијателниот шпански весник „Марка“ го вброи капитенот Горан Пандев меѓу фудбалерите кои го одбележаа првиот дел од Европското првенство. Тој го постигна историскиот прв гол за Македонија на европските првенства, а на третиот меч со Холандија и се збогува од дресот со националниот грб. Соиграчите го испратија со шпалир, а Пандев зад себе пстави 122 натпревари и 38 постигнати гола. Се збогува од македонскиот дрес на најголемата европска сцена.

„Македонија беше дебитант, испадна во првата фаза, но поранешниот фудбалер на Лацио, Интер и Наполи остави печат на голем начин. Со неговиот гол против Австрија во поразот со 1-3, стана вториот најстар фудбалер кој дал гол на едно Европско првенство, со 37 години и 321 ден, а само Австриецот Ивица Вастиќ од 2008 година е постар стрелец од него (38 години и 257 дена). Пандев исто така изнуди пенал по кој Езгјан Алиоски даде гол против Украина (1-2), а во поразот од Холандија (0-3) со шпалир соиграчите го испратија во пензија со 122 меча и 38 гола во кариерата“, пишува „Марка“.

Друштво на Пандев му прават и ѕвезди како Кристијано Роналдо (Португалија), Лука Модриќ (Хрватска), Џорџинио Вајналдум (Холандија), Мануел Локатели (Италија), Патрик Шик (Чешка)…