Марк Касадо има нов клуб. Фудбалерот за врска на Барселона заминува на едногодишна позајмица во Депортиво Ла Коруња, откако двата клуба постигнаа договор во последниот ден од преодниот рок. Клубот од Галиција ќе има опција за откуп на неговиот договор за 30 милиони евра на крајот од сезоната.
Барселона ќе покрива значителен дел од платата на Касадо во текот на сезоната, што се покажало како клучен фактор за реализација на трансферот. Депортиво покажал интерес за фудбалерот уште во моментот кога му бил понуден, а по завршувањето на преговорите конечно ќе може да смета на него како засилување за средниот ред.
Касадо дал согласност за трансферот, а преговорите меѓу двата клуба биле забрзани во последните часови од преодниот рок. Депортиво морал да ослободи дел од буџетот за плати за да може да го регистрира 21-годишниот играч за врска, па на крајот страните пронашле решение за реализација на позајмицата.
Договорот вклучува опција за откуп од 30 милиони евра по завршувањето на сезоната. На тој начин Депортиво ќе има можност трајно да ги обезбеди правата на фудбалерот, иако сумата се смета за сериозен финансиски предизвик овој клуб.
