Менаџерот на Челси, Енцо Мареска, одби да се појави на прес-конференцијата по ремито 2-2 против Борнемут во 19. коло од Премиер – лигата. Според англиските медиуми, 45-годишниот Италијанец се чувствувал лошо по последниот судиски свиреж, што е причината да не се соочи со новинарите. Лондонскиот тим примил два гола по изведување на корнер.
Челси забележа само две победи во последните девет натпревари, а следното гостување е кај Манчестер Сити на 4 јануари.
На Островот веќе се шпекулира за можна промена на клупата, а како главен фаворит за наследник на Мареска се споменува Оливер Гласнер, кој моментно ја предводи екипата на Кристал Палас.
