Англискиот премиерлигаш Манчестер јунајтед е пред ангажман и на Мануел Угарте од Пари Сен Жермен, откако вчера го потврди трансферот на Лени Јоро од Лил.
Уругвајскиот репрезентативец веќе се согласил да се пресели на „Олд Трафорд“, при што тој и клубот се договориле за личните услови. Сега раководството треба да постигне договор и со Пари Сен Жермен за трансферната сума.
Дефанзивниот играч за врска пристигна во Париз пред само една година од Спортинг Лисабон за сума од 60 милиони евра. Тој учествуваше во 37 натпревари на ПСЖ минатата сезона и постигна три гола.
