Манчестер Сити го заврши трансферот кој им дава дополнителна надеж дека можат да јас освојат титулата оваа сезона.
Од денес официјално, Антоан Семењо е нов фудбалер на „граѓаните“, а на сметката на Борнмут се уплатени 75 милиони евра, што дефинитивно претставува најголем трансфер во овој преоден рок.
Од својот поранешен клуб се прости на уникатен начин – со гол против Тотенхем во надополнувањето на времето за победа од 3-2.
„Го следев Сити последната декада под водство на Пеп Гвардиола и тие беа доминантен тим во Премиер – лигата, а исто така остварија неверојатни успеси во Лигата на шампионите, ФА Купот и Лига Купот. Поставија највисоки стандарди и тоа е клуб со играчи од светска класа, врвни услови и еден од најголемите тренери на сите времиња – Пеп.
Имам огромен простор за напредок, па доаѓањето во овој клуб во оваа фаза од мојата кариера е совршено за мене. Голема е привилегијата да бидам тука.
Сигурен сум дека мојот најдобар фудбал сè уште доаѓа. А Сити е во одлична позиција – сè уште се во игра во четири натпреварувања. Навистина верувам дека можам да им помогнам да имаат силен втор дел од сезоната.
„Етихад“ е мојот нов дом. Не можам да дочекам да заиграм пред навивачите тука и се надевам дека ќе им покажам на сите што можам“, се претстави Семењо.
Инаку, тој го зел бројот што некогаш го носеше Јаја Туре – „42“.
