Манчестер Јунајтед сериозно го разгледува ангажманот на левиот бек на Брајтон, Первис Еступињан. Претставници на „црвените ѓаволи“ веќе стапиле во контакт со агентите на еквадорскиот репрезентативец, кој воедно е и еден од капитените на својата национална селекција.
За услугите на 27-годишниот дефанзивец интерес покажува и Милан, но Јунајтед изгледа е поактивен во преговорите.
Брајтон би можел да биде подготвен да го пушти Еступињан ова лето, особено откако го ангажира Максим де Кујпер од Клуб Бриж како потенцијална замена на левата страна во одбраната.
Еступињан има договор со Брајтон до 2027 година и минатата сезона одигра 30 натпревари во Премиер – лигата, постигнувајќи еден гол и една асистенција.
Тој пристигна во клубот пред три години од Вилјареал, каде што исто така остави добар впечаток.
