Англискиот премиерлигаш Манчестер Јунајтед сигурно ќе се засили со нов лев бек, тврдат медиумите на Островот. „Црвените ѓаволи“ го следат дефанзивецот на Борнмут, Милош Керкез, кој е високо оценет од раководството на клубот.
Сѐ уште нема официјални преговори меѓу двете страни, а Борнмут нема намера да помогне за ваков трансфер, напротив – ќе бара сериозна сума за својот дефанзивец.
Унгарецот Милош Керкез пристигна минатата сезона во Премиер – лигата, оставајќи добар впечаток на левата бековска позиција.
