Рубен Невеш сака да се врати во Премиер – лигата, а Манчестер Јунајтед е подготвен да ја искористи ситуацијата за да го засили средниот ред на својот тим.
Португалецот беше продаден од Вулверхемптон во Ал-Хилал во 2023 година за 47 милиони фунти, но неговиот договор со саудискиот клуб истекува, и тие се подготвени да се разделат со него за значително пониска сума во јануарскиот трансфер прозорец – околу 20 милиони фунти, според англиските медиуми.
„Црвените ѓаволи“ сакаат да го засилат средниот ред, бидејќи иднината на Касемиро, Коби Мејну и Мануел Угарте, кој не ги оправда очекувањата, е неизвесна. За овие позиции како потенцијални засилувања се споменуваат неколку имиња: Елиот Андерсон, Адам Вортон, Конор Галахер, Карлос Балеба, Тајлер Адамс и Жоао Гомеш.
Покрај Манчестер Јунајтед, и Порто има интерес за Рубен Невеш, додека Ал-Хилал сè уште се надева дека пред отворањето на јануарскиот прозорец тој ќе го продолжи договорот со нив.
