Капитенот на Реал Мадрид, Серхио Рамос, е се подалеку од продолжување на соработката со „кралскиот клуб“. Преговорите се во ќорсокак, желбите на фудбалерот и на клубот не се поклопуваат, најмногу во должината на идната соработка.
Шпанскиот репрезентативец сака договор најмалку на две сезони, а Реал Мадрид е подготвен да му понуди само едногодишен договор и тоа со делумно намалување на платата.
Развојот на ситуацијата со нетрпение го очекуваат Пари Сен Жермен и Манчестер Јунајтед. „Светците“ му нудат тригодишен договор и одлични услови за самиот фудбалер, но менаџерот на Манчестер Јунајтед, Оле Гунар Солскјер бара од раководството на клубот да подготви убава понуда за да го привлече на „Олд Трафорд“. Платата нема да биде проблем, а Солскјер верува дека Рамос може да игра на врвно ниво најмалку уште три сезони.
