МАКФУДБАЛ ТРЕНЕР на колото: Муарем Муарем

Работнички игра многу подобар фудбал, и што е најважно – победува, во вториот дел од сезоната во Првата лига. Ако тимот од Дебар Маало собра само седум бода цела есен, пролетниот дел од шампионатот е неколкукратно поуспешен.

Работнички сѐ уште е во загрозената зона на табелата, но, сега со многу подобри шанси за обезбедување опстанок. Голем дел од заслугите за тоа одат за шефот на стручниот штаб, Муарем Муарем.

Во 28.коло имаше неколку тренери што остварија убедливи победи, но триумфот на Работнички се чини дека има посебна психолошка тежина, со оглед дека клубот од Дебар Маало едноставно „мораше“ да стигне до три бода.

МАКФУДБАЛ го избра Муарем Муарем за најдобар тренер во 28.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.