МАКФУДБАЛ ТРЕНЕР на колото: Горан Станиќ (Работнички)

Натпреварот не се доигра. Домаќините си ја земаа топката и си отидоа дома. Кога водеа, се радуваа, кога примија два гола, се налутија – и си заминаа. Но, тоа не ја намалува победата остварена на терен (до 85.минута) на Работнички и на Горан Станиќ на дуелот со Гостивар.

Во директниот дуел за излез во Европа, меч кој имаше тежина на шест бода, Станиќ и кога неговиот тим има негатива, ги бодреше фудбалерите велејќи им дека имаат време и сили, и дека „ќе ја свртат“.

Токму тоа и се случи. Работнички во финишот постигна два гола преку Матеј Ангелов и Кристоџеј Далеј и стигна до 1-2, по што Гостивар замина од теренот.

МАКФУДБАЛ го избра Горан Станиќ за најдобар тренер во 29.коло од Првата фудбалска лига. Тој го предводи МАКФУДБАЛ ТИМОТ НА КОЛОТО.