МАКФУДБАЛ ТРЕНЕР на колото: Александар Васоски (Силекс)

Во Кратово оваа сезона повторно имаше шампионски мечти, како некогаш. Најзаслужен за тоа секако е Александар Васоски, кој успеа да склопи одличен тим, кој речиси до последен момент беше во трка за титулата, заедно со Шкендија. На крајот, остана чекор назад, но во последното коло ја победи токму Шкендија во Тетово со 1-3.

Васоски му всади борбен дух на тимот, да се бори до последен момент, иако последниот меч и немаше некое посебно резултатско значење. Но, Силекс го доби и потврди дека е една од најдобрите екипи во лигата.

МАКФУДБАЛ го избра Александар Васоски за најдобар тренер на 33.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.