Се најде јунак да ја победи Шкендија. По пет кола со максимален ефект, лидерот го доживеа првиот пораз од Тиквеш (1-3). Фантастичен тајминг, одлична поставеност на теренот и неверојатниот напаѓач Н’фанли Сила. Тоа беше доволно за Шкендија првпат да ја почувствува горчината на поразот.
Шкендија Арачиново е најпријатното изненаедување во досегашниот тек од првенството, а го потврди тоа и со триумфот против Брегалница (0-1) во Штип.
Струга Трим Лум го доби дербито со Силекс, кој е во резултатска криза, а Вардар им се врати на победите, но ги загуби Комитите. Новиот тренер Миодраг Божовиќ дебитираше со победа.
Нема веќе клуб со „нула“, затоа што и Башкими ги освои првите бодови, и тоа три, на гости против ФК Скопје.
МАКФУДБАЛ го избра најдобриот тим за 6.коло во Првата фудбалска лига. Го предводи стратегот на Тиквеш, Оливер Богатинов.
МАКФУДБАЛ ТИМ НА 6.КОЛО ВО ПРВАТА ЛИГА
- АНТОНИО СТОЛЕВСКИ (ШКЕНДИЈА АРАЧИНОВО)
- АЛЕКСАНДАР ВАРЕЛОВСКИ (ТИКВЕШ)
- БЕСИР РАМАДАНИ (ТИКВЕШ)
- ЛАСАНА ДИЈАКО (СТРУГА ТЛ)
- МИЛЕ ТОДОРОВ (ШКЕНДИЈА АРАЧИНОВО)
- АДИС МУРАТИ (БАШКИМИ)
- ГОРАН ЗАКАРИЌ (ВАРДАР)
- ТЕОДОР НИКОЛОВСКИ (ТИКВЕШ)
- ЕДИЗ СПАХИУ (ВАРДАР)
- Н’ФАНЛИ СИЛА (ТИКВЕШ)
- АРИТОН МЕХМЕД (ШКЕНДИЈА АРАЧИНОВО)
ТРЕНЕР НА КОЛОТО: ОЛИВЕР БОГАТИНОВ
Тимови
