Шкендија побегна можеби и на недостижна предност, Шкупи разочара против Ренова, Академија Пандев продолжи со победи, а Работнички со супер-пресврт дојде до триумф.
Пелистер го доби вечното дерби против Вардар кој влезе во опасната зона и црно му се пишува до крајот на сезоната. Струга Трим Лум е премногу квалитетна за да не ја добие и Беласица дома.
МАКФУДБАЛ го издвои најдобриот тим на 25.коло во Првата фудбалска лига.
- ДАВОР ТАЛЕСКИ (ПЕЛИСТЕР)
Единствен голман во ова коло кој успеа да ја сочува мрежата. Пелистер го доби дербито со Вардар. - ХРИСТИЈАН ДРАГАРСКИ (ПЕЛИСТЕР)
Беше одличен во одбраната на Пелистер, имаше клучна интервенција за да го спаси својот гол, а потоа битолчани постигнаа и втор гол за триумф. - КЛИСМАН ЦАКЕ (СТРУГА ТРИМ ЛУМ)
Постигна фантастичен гол со петица против Беласица. Учествуваше во играта, а во одбраната стандардно квалитетен. - НЕНАД МИШКОВСКИ (РЕНОВА)
Постигна погодок на гостувањето против Шкупи и го потврди триумфот на Ренова, многу значаен во битката за опстанок. - ГОРАН СИЛЈАНОВСКИ (РАБОТНИЧКИ)
Има нова улога во средниот ред и одлично се снаоѓа, асистент на победничкиот гол на Фахрудин Ѓурѓевиќ. - ЃОРЃИ СТОИЛОВ (АКАДЕМИЈА ПАНДЕВ)
Покажува одлични организаторски способности, креира шанси, го разигрува тимот. Академија Пандев игра според неговиот ритам. - МАРИО КРСТОВСКИ (АКАДЕМИЈА ПАНДЕВ)
Фантастични две реализации со глава, на волшебен начин го прослави роденденот, а на Академија Пандев му донесе супер значаен триумф. - БОРЧЕ МАНЕВСКИ (ПЕЛИСТЕР)
Искусниот волк го гризна Вардар можеби и во најнепријатен момент. Беше двоен стрелец, првиот гол со глава посебно убав. - АЛЕН ЈАШАРОСКИ (РЕНОВА)
Со гол на самиот почеток од мечот го изненади Шкупи и го трасираше патот на Ренова кон победата. - БЕСАРТ ИБРАИМИ (ШКЕНДИЈА)
Големите голгетери погодуваат и носат победи. Тоа го направи и Бесарт Ибраими за двоцифрена предност за Шкендија пред конкурентите. - ФАХРУДИН ЃУРЃЕВИЌ (РАБОТНИЧКИ)
За петнаесетина минути го направи тоа што на многумина не им поаѓа од нога за цел натпревар, а можеби и повеќе. Постигна два гола за Работнички, се погрижи за пресврт и донесе победа. Што повеќе може да се посака од „џокер“ од клупата.
ТРЕНЕР НА КОЛОТО: АЛЕКСАНДАР ВАСОСКИ (АКАДЕМИЈА ПАНДЕВ)
Се гледа неговата рака поставена на тимот на Академија Пандев. Цврста и компактна одбрана, разигран среден ред и беспрекорна реализација на шансите. Академија Пандев сега е многу поинаков тим од есента.
-
Ексклузивна колумна на Филип Лам: Франц Бекенбауер и наследството што ни го остави
Годината започнува многу тажно. Почина Франц Бекенбауер. На германскиот фудбал му даде повеќе од...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski