Македонија У19 минимално поразена од Белгија

Фудбалската репрезентација на Македонија до 19 години загуби од Белгија со 1-0 во Гимараеш, во првиот натпревар на квалификацискиот турнир за пласман на Европското првенство.

Стрелец на единствениот гол беше Мусуаи во 72. минута. Тој погодок беше доволен за победа и три бода за младите репрезентативци на Белгија, кои пред натпреварот важеа за голем фаворит.

Следните натпревари од групата 11, Македонија ќе ги игра против Португалија на 15 ноември, и против Естонија на 18 ноември.