Со денешниот натпревар во Ѓорче Петров меѓу Македонија ЃП и Камјани, стартува петтото коло во Втората македонска фудбалска лига.
Останатите натпревари од оваа рунда се на програмата утре, со исклучок на дуелот меѓу Работнички и Брера, кој е одложен поради настапот на струмичкиот клуб во младинската Лига на шампиони.
Македонија ЃП сезонава настапува со млад состав, но под водство на Боби Стојковски бележи добри игри и постепено го гради тимот. Од друга страна, Камјани продолжува да биде едно од пријатните изненадувања на стартот од сезоната. Дебитантот во Втората лига досега освои седум бода и покажа дека може рамноправно да се носи со поискусните екипи.
Лидерот Брера овој викенд ќе биде слободен, додека Детонит го очекува незгодно гостување кај Новаци. Пелистер ќе гостува кај Шкупи на Чаир и е фаворит за трите бода.
Во Битола, пак, под рефлектори ќе се игра дуелот меѓу Беласица и Тетекс, кој е закажан за 19 часот. На програмата се и натпреварите Охрид – Еуромилк и Осогово – Кожув.
ДВОЈКИ ВТОРА ЛИГА, 5 КОЛО
Македонија ЃП – Камјани (денеска, 16 часот)
Шкупи – Пелистер (утре, 16 часот)
Охрид – Еуромилк
Осогово – Кожув
Новаци – Детонит
Беласица – Тетекс (19 часот)
Работнички – Брера (одложен)
