Голманот Мајк Мењан е блиску до продолжување на договорот со Милан. Тој треба да стави потпис на нова соработка која ќе важи до 2031 година.
„Росонерите“ му понудиле на 30-годишниот француски чувар на мрежата плата од 5,7 милиони евра по сезона. Тоа е истата плата која ја добива и Рафаел Леао, кој моментно е најплатениот фудбалер во тимот.
Се очекува Мењан и раководството на Милан во наредните денови да ги финализираат преговорите и да го потпишат новиот договор.
Тренерот на италијанскиот гигант, Масимилијано Алегри, силно инсистира Мењан да биде задржан, гледајќи во него клучна фигура на тимот за годините што следуваат.
