Напаѓачот на Наполи, Ромелу Лукаку, по подолга пауза поради повреда се врати во тимот и ќе биде во комбинација за настап во Суперкупот на Италија.
Напаѓачот се повреди на 14 август на пријателски натпревар против Олимпијакос. Тој се приклучи на тренинзите во понеделник и сега е повторно во комбинација за следните натпревари на Наполи.
„Наполитанците“ отпатуваа во Ријад каде ќе играат во италијанскиот Суперкуп. Утре на програмата е полуфиналето против Милан, а наредниот ден Болоња ќе се сретне со Интер во второто полуфинале.
Финалниот натпревар е закажан за понеделник, 22 декември.
