Изгледа дека тоа е тоа… Лука Модриќ ја донел конечната одлука и нема да ја менува. По Светското првенство ќе стави крај на својата богата фудбалска кариера.
По неколку недели размислување, Модриќ решил по претстојниот Мундијал дефинитивно да ги закачи копачките. Неговата желба е уште еднаш, со капитенската лента на раката, да ја предводи Хрватска на големо натпреварување.
Од друга страна, главната причина за ваквата одлука е фактот што Милан не успеа да обезбеди пласман во европските натпреварувања за следната сезона.
Во клупската кариера Модриќ има одиграно 932 натпревари, постигнато 99 голови и забележано 143 асистенции. За хрватската репрезентација настапи на 197 натпревари и постигнал 28 голови. Евидентно е дека на Светското првенство во САД, Канада и Мексико ќе ја пробие и бројката од 200 настапи за Хрватска и ќе стави крај на кариерата.
