Луис Енрике се соочува со бројни кадровски проблеми пред вечерaшниот натпревар против Барселона.
Како што е познато од вторникот, на списокот на патници за Барселона не се наоѓаа Маркињос, Дезире Дуе, Oсман Дембеле и Kвиќа Кварацкелија, а сега под големо прашање е и Витиња.
Португалецот поради повреда не успеа да го одработи последниот тренинг пред мечот.
Доколку Витиња не биде подготвен, тоа ќе биде петти играч на кого Луис Енрике нема да може да смета од фудбалерите кои играа во финалето на Лигата на шампионите против Интер.
Од друга страна, Ханси Флик не може да смета на Жоан Гарсија, Пабло Гави, Фермин Лопез, Рафиња и Марк Андре Тер-Штеген.
Натпреварот Барселона – ПСЖ е на програмата во 21 часот.
