Connect with us

ЛШ: Баерн се спаси од пораз, Бриж го шокираше Интер, Барселона и Арсенал убедливи (ВИДЕО)

Баерн Минхен се спаси од пораз на гостувањето кај Викинг, ремизирајќи 3-3 иако губеше со два гола разлика. Хари Кејн со два погодоци и Луис Дијаз го вратија германскиот гигант во игра, но Херман Хауген во 90. минута му донесе бод на домашниот тим.


Клуб Бриж го шокираше Интер на „Џузепе Меаца“, славејќи со 3-4 во драматичен натпревар. Николо Трезолди постигна хет-трик за белгискиот тим, додека Интер и покрај головите на Лаутаро Мартинез и Анге-Јоан Бони не успеа да избегне пораз.


Виљареал направи пресврт и го совлада Наполи со 3-1, откако италијанскиот тим прв поведе преку Рахмани. Микаутадзе, Мурино и Олувасеји донесоа три бода за шпанскиот состав, додека Наполи останува без бодови.

Атлетико Мадрид го победи Манчестер јунајтед со 2-0. Пабло Бариос погоди уште во првата минута, а Адемола Лукман ја потврди победата во 79. минута. Гостите дополнително беа ослабени по црвениот картон на Лени Јоро.

Барселона го декласираше Галатасарај со 1-4, иако турскиот тим прв поведе. Жоао Кансело израмни пред паузата, а Фермин, Гордон и Адејеми го комплетираа убедливиот пресврт.

Арсенал го совлада Лил со 3-0, постигнувајќи три гола за само седум минути. Тимбер, Езе и Сака беа стрелци за англискиот тим, кој ја забележа втората победа во Лигата на шампионите. Лајпциг минимално го победи ПСВ Ајндховен со 1-0.

Advertisement
Advertisement
Advertisement

Facebook

Тимови