Лоренцо Инсиње би можел изненадувачки да се врати во Неапол. Иако имаше најави дека е многу блиску до потпис со Лацио, со оглед дека има одлични односи со Маурицио Сари, сепак, италијанските медиуми најавуваат поинаков расплет.
На „парнетопеите“ им бил предложен поранешниот капитен, кој е подготвен да потпише договор до крајот на сезоната со опција за уште една година, притоа прифаќајќи и пониска плата.
На Наполи ова му одговара затоа што ќе може да го регистрира како фудбалер кој израснал во клубот и да го вклучи на А-листата.
Преговорите се во тек, иако сѐ уште не се исклучува можноста Инсиње да заврши и во Лацио.
Наполи се интересира и за Даниел Малдини, синот на легендарниот Паоло Малдини, како и за Џоване, напаѓачот на Верона, но реализацијата на овие зделки зависи и од продажбите на Ноа Ланг и на Лоренцо Лука.
