Ливерпул влезе во официјални преговори со Борнмут околу можниот трансфер на Антоан Семењо, објавуваат медиумите од Англија. Според истите извори, раководството на „црвените“ сериозно ја разгледува можноста да ја активира откупната клаузула во договорот на офанзивецот.
Се наведува и дека за време на разговорите со Мохамед Салах, египетската ѕвезда била запознаена со планот на клубот да доведе крилен фудбалер кој може подеднакво добро да настапува на двете страни во нападот.
Семењо, кој има 25 години, е член на Борнмут од јануари 2023 година. Во тековната сезона има настапено на 15 натпревари, при што постигна шест погодоци и запиша три асистенции.
Во неговиот договор е вклучена клаузула од 65 милиони фунти, која може да биде активирана исклучиво во првите две недели од јануарскиот преоден рок.
Покрај Ливерпул, силен интерес за крилниот напаѓач на Борнмут покажува и Манчестер Сити.
