Англискиот првак Ливерпул, според пишувањето на шпанскиот „Фишајес“, е подготвен повторно да го урне клупскиот рекорд за отштета и за Џуд Белингам да понуди 156 милиони фунти, односно 184 милиони евра. Тоа би бил вториот најголем трансфер во историјата на фудбалот, по преминот на Нејмар од Барселона во ПСЖ за 222 милиони евра.
Засега нема индикации дека во Мадрид се отворени за понуди, но гигантот од „Енфилд“ наводно е подготвен да ја тестира цврстината на Реал.
Доколку овој договор се реализира, тоа би бил трансфер што би испишал историја на британскиот фудбал, бидејќи Ливерпул веќе во 2025 година за Александер Исак плати 125 милиони фунти, односно 147,5 милиони евра.
