Деветгодишната ера на Мохамед Салах во Ливерпул се чини дека се ближи кон крајот. Египќанецот на крајот од минатата година влезе во конфликт со клубот, а неговото заминување следното лето изгледа сè повидливо.
Раководството на „црвените“ не губи време и веќе, како што се чини, ја пронајде неговата замена во редовите на Барселона, во младиот и извонредно талентиран Руни Барџи (20), за кого се подготвуваат да понудат 50 милиони евра, пишуваат повеќе англиски медиуми.
Овој потег не е случаен. На „Енфилд“ се речиси сигурни дека Салах ќе ја продолжи кариерата во Саудиска Арабија, па интензивно бараат млад, експлозивен играч со потенцијал да ја пополни големата празнина што Египќанецот ќе ја остави. Тука во приказната влегува Барџи, кој, и покрај споредната улога во Барса, покажа блесоци на генијалност што не останаа незабележани.
Руни Барџи пристигна во Барселона минатото лето од Копенхаген за симболични 2,5 милиони евра, според денешните стандарди. Неговата прва сезона на „Камп Ноу“ беше во знакот на адаптација и жестока конкуренција, бидејќи на неговата позиција игра Ламин Јамал, еден од најголемите таленти во светскиот фудбал. Иако е роден во Кувајт, Барџи е шведски репрезентативец и веќе забележал три настапи за сениорската репрезентација и 11 нстапи за У21-тимот.
Сепак, секогаш кога добивал шанса, младиот Швеѓанец ја искористувал. Особено се истакна на најголемата сцена, во полуфиналето од шпанскиот Суперкуп против Атлетик Билбао, каде во победата од 5-0 постигна гол и забележа асистенција. Тој спектакуларен настап веднаш го стави на листите на скаути од најголемите европски клубови.
-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум го доби дербито со Вардар и заедно со лидерот Шкендија ја...
Автор makfudbal
-
МАКФУДБАЛ ИГРАЧ на колото: Марјан Радески (Струга Трим Лум)
Струга Трим Лум го доби дербито со Вардар (0-1) во Скопје и ја продолжува...
Автор makfudbal
Млади репрезентации
Капинковски го објави списокот за Македонија У19
Евро-фудбал
Фермин Лопез го замолна Мадрид (ВИДЕО)
Евро-фудбал
Јуве се спаси од пораз во Фиренца (ВИДЕО)
Евро-фудбал
Почина легендарниот „бомбардер“ Џевад Прекази
Евро-фудбал
Фермин Лопез го замолна Мадрид (ВИДЕО)
Евро-фудбал
Ливерпул се разбуди, а Челси загуби (ВИДЕО)













