Англискиот шампион Ливерпул го следи грчкиот дефанзивец Константинос Кулиеракис од Волфсбург. Ова не е изненадување, бидејќи „црвените“ активно бараат нов централен дефанзивец, а Кулиеракис се смета за еден од најперспективните на својата позиција.
По трансферот на Џарел Кванса во Баер Леверкузен и неизвесноста околу продолжувањето на договорот на Ибрахима Конате, Ливерпул има потреба од засилување во одбраната. Според британските медиуми, Кулиеракис се наоѓа високо на листата на желби на клубот од Мерсисаjд.
За да го донесе Кулиеракис, Ливерпул ќе мора да плати значајна сума, бидејќи Волфсбург бара 50 милиони евра. Засега од Ливерпул нема официјална понуда, но интересот е реален и се зголемува.
