Евертон првпат по 1999 година го победи Ливерпул на „Енфилд Роуд“. Тимот на Карло Анчелоти славеше со 0-2, а со тоа Ливерпул израмни негативен рекорд стар 98 години.
Тимот на Јирген Клоп загуби и четврти натпревар во низа на домашен терен. Последен пат тоа на славниот англиски клуб му се случило во далечната 1923 година.
Пред Евертон, бодовите од „Енфилд“ ги однесоа и Манчестер Сити, Брајтон и Барнли. Последната победа дома во Премиер – лигата, „црвените“ ја остварија во 2020 година.
