Англискиот премиерлигаш Ливерпул ќе го обнови договорот со голманот Алисон Бекер до 2026 година. Тој своевремено за рекорден трансфер за голман дојде од Рома за сума од 62,5 милиони евра, но набрзо рекордот го урна Кепа Аризабалага за трансферот во Челси.
Алисон Бекер е стандарден во редовите на Ливерпул, имаше забележителни настапи и менаџерот Јирген Клоп сака уште долго да го има на располагање во тимот на „црвените“. Раководството на клубот се договори Алисон Бекер и во наредните пет сезони да биде на голот на Ливерпул.
