Лион дојде на „Паркот на принцовите“ и го совлада фаворизираниот ПСЖ со 0-1. Стрелец на победничкиот гол беше Тино Каведере во 35.минута. Со овој триумф, Лион и го прескокна ПСЖ на врвот на табелата и води заедно со Лил со по 29 бода, а „светците“ имаат бод помалку на третото место.
ПСЖ немаше свој ден, иако Нејмар, Мбапе и Ди Марија создадоа неколку шанси пред голот на противникот. Сепак, Лион одолеа на сите напади и на крај ги однесе трите бода. Нејмар не го доигра натпреварот, беше изнесен на носилки поради груб старт на Тијаго Мендеш кој заработи црвен картон.
