Поранешниот напаѓач на Тотенхем и репрезентацијата на Англија, Гари Линекер, кој сега е телевизиски аналитичар, изјави дека Хари Кејн е подобар фудбалер од него.
„Хари Кејн е подобар играч од мене“, беше категоричен Линекер.
„Јас бев вистински предатор во казнениот простор. Умеев сè да направам таму, но Хари може да игра и како „десетка“. Тој е способен да даде асистенција од 45 метри“, додаде легендарниот голгетер.
„Бев побрз од Хари, но тој без сомнение е подобриот фудбалер“, заклучи Линекер, кој е единствениот играч што бил најдобар стрелец во Премиер – лигата со три различни клуба.
