Англискиот премиерлигаш Лидс јунајтед постигна договор со поранешниот напаѓач на Евертон, Доминик Калверт-Луин, кој ќе пристигне на „Еланд Роуд“ како слободен играч. Според „Атлетик“, многу скоро 28-годишниот напаѓач ќе помине медицински прегледи и ќе го потпише својот личен договор.
Калверт-Луин одигра 273 натпревари за Евертон, во кои постигна 71 гол. Раководството на „карамелите“ му понуди нов договор, но по девет години во клубот, тој реши да си замине. Пред да постигне договор со Лидс, Англичанецот одбил понуда од Сандерленд.
Тој е осмото ново засилување на Лидс за ова лето. Другиот напаѓач кој го доведе тимот од Јоркшир е Лукас Нмеча, кој пристигна од Волфсбург.
