Европскиот првак Баерн Минхен ќе игра во финалето на Светското клупско првенство што се одржува во Катар и ќе го предизвика тимот на Тигрес. Баварскиот клуб во полуфиналната пресметка беше подобар од Ал Ахли и славеше со 2-0 со головите на најдобриот светски фудбалер за 2020 година, Роберт Левандовски.
Полскиот интернационалец го отвори резултатот во 17.минута, а во финишот на мечот и ја потврди победата на Баерн Минхен.
