Легендата на Реал Мадрид, Раул Гонзалес, е еден од главните кандидати за тренерската позиција во Баер Леверкузен, тврдат „Марка“ и „Мундо Депортиво“. Раководството на „аспирините“ реши да му врачи отказ на Ерик тен Хаг по само две кола во Бундес – лигата, во кои тимот освои еден бод.
Раул (46) беше на чело на Реал Мадрид Кастилја, но сега сака да го направи следниот чекор во тренерската професија и да преземе екипа од висок профил. Поранешниот напаѓач има добра репутација во Германија, откако во еден момент од кариерата играше за Шалке 04. Неговото име беше поврзувано и со Севилја на крајот од минатата сезона.
Другите две имиња поврзани со тренерската позиција во Баер Леверкузен се Марко Росе и Един Терзиќ.
