Јувентус не успеа да ја задржи предноста на тешкото гостување кај Лацио, откако прими гол во 96. минута и натпреварот заврши 1-1. Римскиот клуб со доцниот погодок на Матијас Весино ги одржа своите надежи за пласман во Лигата на шампионите.
„Старата дама“ поведе на почетокот на второто полувреме, кога Рандал Коло Муани погоди во 51. минута. Сепак, ситуацијата се усложни за Јувентус откако Пјер Калулу доби црвен картон во 60. минута, оставајќи ги со играч помалку.
Лацио ја искористи бројната предност и по голема борба успеа да дојде до израмнување во самиот финиш. Сега, тимот од Рим ќе се соочи со уште еден голем предизвик – гостување кај Интер во Милано.
