Лацио извлече бод играјќи 2:2 против Јувентус на гостувањето во Торино. Џорџо Киелини и Пауло Дибала се простија од фановите во Торино, а на крајот „лацијалите“ стигнаа до бод.
Душан Влаховиќ во десеттата минута донесе водство за Јувентус, а го удвои Алваро Мората во 36.минута. На почетокот на вториот дел Алекса Сандро ја затресе сопствената мрежа, а „старата дама“ во финишот го загуби триумфот.
Сергеј Милинковиќ – Савиќ во шестата минута од судиското продолжение постигна гол за израмнување.
