Шпанската Ла Лига подготвува голема новина во начинот на користење на ВАР технологијата. Според информациите на „Радио Коп“, од новата сезона тренерите ќе имаат право двапати во текот на натпреварот да побараат прегледување на сомнителна ситуација преку ВАР.
Доколку по интервенцијата на ВАР судијата ја промени својата првична одлука, тимот што го побарал прегледот ќе добие нова дополнителна можност за уште една интервенција преку ВАР.
Оваа иновација има за цел да го зголеми фер-плејот и да им овозможи на клубовите поголема контрола при клучни моменти на натпреварите, со што се очекува да се намалат спорните одлуки.
