Фудбалерите на Кораби од Дебар со победа од 1-3 се враќаат од гостувањето против Гоблен јуниор во Куманово во последниот натпревар од 15. коло во Втората лига – Запад.
Домашните поведоа со погодокот на Егзон Азири во 22. минута, но Кораби израмни со голот на Александар Целески во 39. минута, за кого ова е осми погодок сезонава со што изби на чело на листата на најдобрите стрелци на Западот пред Флорент Османи од Струга ТЛ.
Победата за Кораби ја најави Мусли Љика во 73. минута за 1-2, а ја потврди Ујкан Муча во 87. минута за конечни 1-3.
По оваа победа, Кораби со 22 бода се проби на делба на третата позиција на табелата заедно со екипата на Скопје, со шест бода зад второпласираната Лабуништа.
Standings provided by Sofascore LiveScore
