Вулверхемптон конечно ја забележа првата победа во сезоната во првиот меч од 2026 година. „Волците“ доминантно го совладаа Вест Хем на домашен терен со 3-0, оставајќи ги гостите во тешка позиција.
Доброто попладне за Вулверхемптон го најави колумбискиот крилен напаѓач Џон Ариас, кој веќе во четвртата минута реализираше по извонреден продор на Хванг по левата страна за 1-0.
Хванг потоа сам се запиша во листата на стрелци во 31. минута, реализирајќи пенал за 2-0, додека конечните 3-0 ги постави Матеус Мане во 41. минута.
Брајтон ја оправда фаворитската улога против Барнли, победи со 2-0, со головите на Рутер во 29. и на Ариас во 47. минута.
