Тренерот на Баерн Минхен, Венсан Компани, зборуваше по победата над Борусија Дортмунд со 3-2 во пролетното издание на „Дер Класикер“ од 24. коло на Бундес-лигата.
„Навистина беше напнато. Се виде дека Борусија очајно сакаше да ја искористи својата шанса. Се чувствуваше тоа во текот на сите 90 минути. Дури и по израмнувањето на 2-2, тие продолжија да напаѓаат – навистина сакаа да победат. Но нашите момци не само што стоеја во одбрана. Продолжувавме да се обидуваме да ги најдеме своите шанси. Според мене, ова беше одлична реклама за Бундеслигата – со интензитетот, головите и најмногу со апсолутната желба на двата тима постојано да напаѓаат и да победат“, изјави Компани.
На прашањето дали Баерн сега ќе земе малку полесно во Бундес-лигата поради предноста од 11 бодови за да се фокусира на другите натпреварувања, тој одговори:
„Сега имаме водство од единаесет бодови. Постигнавме 88 голови. Зошто да запреме сега? Одиме целосно на максимум.“
