Навивачката група Комити, најверните фанови на Вардар, објави дека нема да го бодри тимот на дербито против Пелистер во Битола. Ова како знак почит кон жртвите на трагедијата во Кочани.
„Во знак на почит кон жртвите на трагедијата во Кочани, како и во знак на солидарност кон сите преживеани и кон сите семејства погодени од големиот ужас, одлучивме дека нема да присуствуваме на следниот натпревар на ФК Вардар, кој ќе се одигра на 29.03.2025 во Битола, против екипата на Пелистер.
Сметаме дека во моменти кога народот тагува и жали, ова е единствената логична одлука која групата можеше да ја донесе. Вардар во срцето, Македонија во душата!“, објавија Комити.
