Трансферната битка за Марк Кукуреља доби неочекуван епилог. Иако интерес за шпанскиот репрезентативец покажаа Барселона и Атлетико Мадрид, Реал Мадрид се вклучи во трката во последен момент и експресно ја заврши работата.
„Кралевите“ постигнаа договор со левиот бек, кој стави потпис на соработка до 2032 година. Кукуреља во моментов е дел од шпанската репрезентација на Светското првенство, па неговото официјално претставување во Мадрид е планирано по завршувањето на турнирот.
Сепак, ова е голем „улов“ за Реал Мадрид, со оглед дека Кукуреља е и шпански репрезентативец. „Кралевите“ немаа свој претставник во националниот тим на Шпанија на ова Светско првенство, но пред настапот на „црвената фурија“ сега го купија Марк Кукуреља.
Дваесет и седумгодишниот дефанзивец е производ на младинската школа на Барселона, а во текот на кариерата настапуваше и за Хетафе, Брајтон и Челси, од каде сега прави голем трансфер на „Сантијаго Бернабеу“.
