Англискиот првак Ливерпул е во голема криза. Синоќа доживеа пораз (0-1) на „Енфилд Роуд“ од Брајтон и со тоа сериозно ги намали шансите за одбрана на титулата. Менаџерот Јирген Клоп сакаше да сочува дел од играчите за дербито против Манчестер Сити претстојниот викенд, но сигурно не планираше таков развој на настаните.
Ливерпул нема одиграно така мизерно во серија на домашен терен повеќе од три и пол децении. Статистиката вели дека славниот клуб од „Енфилд“ последен пат не постигнал гол дома на три последовни меча во далечната 1984 година.
„Црвените“ исто така не загубиле два последни меча дома од 2012 година.
