Еден од најдобрите фудбалери на Шкендија, дефанзивецот Клисман Цаке, прави трансфер во рускиот Ахмат Грозни за сума од 400.000 евра. Актуелниот македонски првак ќе има можност да добие и дополнителни 100.000 евра преку разни клаузули и бонуси во зависност од успешноста на настапите на Цаке во новиот клуб.
Албанскиот репрезентативец има само уште шест месеци од договорот со Шкендија, така што сумата што клубот ќе ја добие е одлична, бидејќи Клисман Цаке во јуни би можел да замине како слободен агент.
Цаке цели шест сезони мина во дресот на Шкендија, израсна во навистина квалитетен фудбалер и сега е време да направи трансфер во Русија.
