Еден од најдобрите играчи на Шкендија, Клисман Цаке, направи трансфер во Ахмат Грозни, потврди македонскиот прволигаш Рускиот клуб ја плати бараната отштета и албанскиот репрезентативец заминува од Тетово.
„ФК Шкендија и дефанзивецот Клисман Цаке ја завршија четиригодишната соработка, откако рускиот клуб Ахмат Грозни ја активираше клаузулата за заминување“, објави Шкендија.
Клисман Цаке се приклучи на Шкендија во јануари 2022 година и во текот на четири години и пет неполни сезони беше неразделен дел од „црвено-црните“ од Тетово наметнувајќи се како еден од најдобрите фудбалери. Во овој период, тој освои шампионска титула и забележа 133 официјални настапи (106 во првенство, 3 во Куп и 24 на европската сцена), постигнувајќи 12 голови.
„ФК Шкендија му се заблагодарува на Клисман Цаке за професионализмот, посветеноста и придонесот даден низ годините, и му посакува многу успех во продолжувањето на кариерата во Ахмат Грозни и понатаму“, истакнаа од Шкендија.
Неофицијално, Шкендија заработи 400.000 евра од трансферот на Цаке кој имаше договор на уште шест месеци со тетовскиот клуб, а фудбалерот ќе инкасира 1 милион евра за три сезони.
