Дарко Чурлинов продолжува со одличните партии во дресот на Јагиелонија, иако неговиот тим беше елиминиран од Бетис во четвртфиналето на Конференциската лига. Македонскиот репрезентативец постигна гол во 81. минута од реваншот кој заврши 1-1, но шпанскиот тим оди понатаму благодарение на победата од 2-0 во првиот натпревар во Севилја.
Чурлинов се покажа како еден од најопасните играчи на теренот и повторно демонстрираше дека е во одлична форма, откако неодамна се врати од повреда. Неговиот гол дојде само три минути откако Седрик Бакамбу го доведе Бетис во водство.
Големи пофалби за Чурлинов, кој сè повеќе станува клучен играч за својот клуб и одличен амбасадор на македонскиот фудбал на европската сцена.
Во другиот дуел од четвртфиналето, Фиорентина и Целје одиграа 2-2 во Италија, но „виолетовите“ одат понатаму благодарение на победата од 1-2 во Словенија. За Фиорентина стрелаа Мандрагора и Кин, додека за Целје погодија Марко и Неманиќ.
