Киву: Борбата за титулата во Серија А ќе биде жестока до самиот крај

Тренерот на Интер, Кристијан Киву, очекува неговите фудбалери да бидат подготвени да се борат жестоко за титулата во следните пет месеци.

„Бевме т.н. „зимски шампион“, но тоа не значи многу. Важно е да дојдеме до мај во полна форма. Сезоната ќе биде тешка, борба до самиот крај“, уверува тренерот на Интер.

„Ќе биде жестока борбата до крајот на првенството. Понекогаш носам одлуки кои можеби изгледаат чудно, но целта ми е да изградиме уште посилен тим во следните пет месеци“, додаде Киву.