Капитенот на Баерн Минхен, Џошуа Кимих, кој го постигна победничкиот гол за триумфот од 2-3 на гостувањето кај Борусија Дортмунд, зборуваше со голема самодоверба по завршувањето на „Дер Класикер“, практично честитајќи му ја на клубот 35. титула во Бундеслига.
„Со 11 бода предност пред ривалите, честитки за нас. Нема да се откажеме од оваа предност. Нема да ја испуштиме. Така ќе остане“, изјави Кимих за „Скај Спортс“.
Играчот од средниот ред призна дека натпреварот бил исклучително тежок.
„Беше напорен меч и во одредени моменти се мачевме. Сепак, уште на полувремето знаевме дека за Дортмунд ќе биде тешко да го одржи темпото. Тие имаа многу згуснат распоред во изминатите недели со голем број натпревари. Ние имавме повеќе одмор и бевме свесни дека колку подолго трае средбата, толку поголема ќе биде нашата предност. Успеавме да ја искористиме до самиот крај“, истакна Кимих.
Капитенот не ја криеше емоцијата ниту околу решавачкиот погодок.
„Обично не постигнувам толку често голови, затоа сум пресреќен за секој. А да го постигнеш победничкиот гол за 2-3 толку доцна во Дортмунд е нешто навистина посебно.“
