Кевин де Бруин заедно со своето семејство донел одлука да остане во Наполи најмалку уште една сезона, и покрај интересот од неколку клубови од МЛС лигата, тврдат белгиските медиуми.
Досега се сметаше дека искусниот белгиски играч за врска летово ќе побара нова средина, бидејќи неговата прва сезона во Серија А беше обележана со тешка повреда, но и со незадоволство од тактичките замисли на тогашниот тренер Антонио Конте.
По доаѓањето на Масимилијано Алегри на клупата на Наполи, чиј стил на игра се смета за уште подефанзивен од оној на Конте, многумина очекуваа Де Бруин да замине. Сепак, според најновите информации, белгискиот репрезентативец решил да остане во Неапол и да ја продолжи својата авантура во дресот на актуелниот шампион на Италија.
