Манчестер Јунајтед губеше со 2-0 на гости против Саутемптон, но успеа да се врати во вториот дел и да победи со 2-3. Бруно Фернандеш и Единсон Кавани беа стрелци на головите за „црвените ѓаволи“ на овој меч. Уругваецот победничкиот гол го постигна во третата минута од судиското продолжение.
Саутемптон по првиот дел обезбеди водство од 2-0. Јан Беднарек и Џејмс Ворд-Праус стрелаа во мрежата на Манчестер Јунајтед. Но, тимот на Оле Гунар Солскјер не се предаде. По одморот заигра многу подобро и направи супер-пресврт.
