Францускиот интернационалец Карим Бензема е позитивен на коронавирус. Тој доби позитивен тест на Ковид-19 и во наредниот период ќе биде во изолација, потврди клубот Реал Мадрид.
Бензема требаше набрзо да се приклучи на подготовките на тимот. Тој доби продолжен одмор поради настапот со репрезентацијата на Франција на Европското првенство, но сега враќањето е одложено.
Во наредните десетина дена Карим Бензема ќе биде во карантин, а откако ќе добие два негативни теста ќе добие дозвола за да им се приклучи на „кралевите“ на подготовките.
